Rusia intesifikon sulmet me dronë në Kiev

Shpërthimet goditën kryeqytetin ukrainas Kiev sot herët në mëngjes, shkroi kryebashkiaku Vitali Klitschko në kanalin e tij Telegram, pa dhënë detaje të mëtejshme. Mediet ukrainase raportuan se forcat ruse po synonin qytetin prej tre milionë banorësh dhe zonën përreth me sulme të reja me dronë. Sirenat e sulmit ajror u dëgjuan në dhe rreth kryeqytetit dhe në qytetet Zhytomyr dhe Vinnytsya, që ndodhen në perëndim të Kievit. Asnjë informacion fillestar nuk ishte i disponueshëm për dëme ose vdekje të mundshme. Rusia filloi pushtimin e saj në Ukrainë në fund të shkurtit duke pretenduar se duhet të denazifikojë dhe çarmatosë vendin. Forcat e Moskës fillimisht arritën të përparonin deri në periferi të Kievit. Megjithatë, Ukraina, e mbështetur nga dërgesat e armëve perëndimore, u kundërpërgjigj ashpër dhe i dëboi forcat ruse nga zona të mëdha në veri, lindje dhe jug, përfshirë kryeqytetin.https://ata.gov.al/2022/12/14/ukraine-rusia-intesifikon-sulmet-me-drone-ne-kiev-dhe-zonen-perreth/