420 peshkatarë po marrin pjesë në një nismë të FAO-s, të zbatuar së bashku me Ministrinë e Bujqësisë dhe Zhvillimit Rural, për të përmirësuar praktikat e qëndrueshme të peshkimit dhe për të rindërtuar stoqet e mbarështimit duke përdorur akuakulturën. Kjo nismë është pjesë e projektit AdriaMed të FAO-s, i cili financohet nga Ministria italiane e Politikave të Bujqësisë, Ushqimit dhe Pyjeve. Ai promovon bashkëpunimin shkencor dhe institucional midis kombeve në detin Adriatik dhe Mesdhe dhe kërkon të përmirësojë menaxhimin rajonal të aktiviteteve të peshkimit dhe akuakulturës. Duke u mbështetur në trashëgiminë e komunitetit, projekti synon të ndihmojë për të ndarë me peshkatarët e rinj teknikat e mbarështimit të përdorura nga peshkatarët me përvojë. “Ne kemi punuar me peshkatarët për të rikuperuar traditat e tyre dhe për t’i përdorur ato për të mbështetur praktikat e qëndrueshme duke krijuar mundësi që krijojnë vende pune, mbrojnë mjedisin dhe mbështesin jetesën në afat të gjatë,” thotë Nicoletta Milone, oficere e peshkimit në FAO. Ndërsa zv.ministri i Bujqësisë dhe Zhvillimit Rural, Roland Kristo, u shpreh se, “ne besojmë shumë se me një bashkëpunim të mirë dhe me përfshirjen e të gjithë aktorëve do të arrijmë rezultate konkrete”. “Ne mund të arrijmë zhvillimin e qëndrueshëm të peshkimit tonë dhe të sigurojmë menaxhimin e duhur të burimeve tona”, tha Kristo.https://ata.gov.al/2022/12/02/menaxhimi-rajonal-i-akuakultures-trajnim-per-praktikat-me-te-mira-ne-peshkim/
- Advertisment -