“Black Friday” arrijnë në 9.12 miliardë dollarë në SHBA

Pavarësisht frikës nga inflacioni, konsumatorët amerikanë shpenzuan 9.12 miliardë dollarë për blerjet online gjatë “Black Friday” (të Premtes së Zezë), më shumë se në vitet e mëparshme, sipas një raporti të publikuar nga “Adobe Analytics”. Gjatë sezonit të festave 2022, të ardhurat totale u vlerësuan në 209.7 miliardë dollarë, një rritje prej 2,5% krahasuar me të ardhurat e regjistruara të vitit të kaluar prej 205 miliardë dollarësh. Analizuesi i të dhënave të klientëve, i cili gjurmon shumicën e shitësve online në SHBA, raportoi se shitjet në internet gjatë “Black Friday” ishin më të larta se 8.9 miliardë dollarët e vlerësuar. Shitjet e “Black Friday” në internet ishin 2,3% më të larta se vitin e kaluar, ndërsa shitjet e vitit 2020 arritën 9,03 miliardë dollarë. Sipas raportit, pajisjet elektronike ishin në krye të shitjeve. Sipas raportit të “Tendencave dhe Njohurive të Blerjeve për Pushime 2022”, “Cyber Monday” (e hëna pas festës së Falënderimeve në SHBA) parashikohet të jetë dita me blerjet më të mëdha online në sezon, me shitje të vlerësuara deri në 11.2 miliardë dollarë. Nga 1 tetori deri më 25 nëntor, të ardhurat totale të pajisjeve elektronike ishin 159 miliardë dollarë, të ardhura nga desktop-et dhe pajisje të tjera arritën në 88 miliardë dollarë dhe nga celularët në 71 miliardë dollarë. Shitjet e pajisjeve elektronike, lodrave, produkteve inteligjente të shtëpisë, pajisjeve të stërvitjes dhe pajisjeve audio ishin dukshëm më të larta.https://ata.gov.al/2022/11/28/soft-news-shitjet-online-te-black-friday-arrijne-ne-9-12-miliarde-dollare-ne-shba/