Adoleshentët që nuk flenë mjaftueshëm

Adoleshentët duhet të flenë rreth nëntë orë në natë. ”Në vend të kësaj, ata flenë gjithnjë e më pak”, sipas një studimi nga Universiteti i Adelaides, i cili ekzaminoi mbi 3 000 kërkime të kryera në 20 vende në më shumë se 690 000 subjekte midis viteve 1905 dhe 2008 tek fëmijët nga 5 deri në 18 vjeç, shkruan focus.it. Vështirësitë konjitive Ekspertët thonë se këto janë të dhëna shqetësuese, pasi studimet gjithnjë e më të detajuara tregojnë se mungesa e gjumit ka pasoja negative në shëndetin e tyre, veçanërisht në të mësuarit dhe sjelljen. Studimi i ri i botuar në ”Lancet Child & Adolescent Medicine” ekzaminoi 8 323 fëmijë midis moshës nëntë dhe 10 vjeç për dy vjet, të ndarë në dy grupe: ata që flinin të paktën nëntë orë në natë dhe ata që flinin më pak. Rezultatet tregojnë se këto të fundit priren të kenë vështirësi konjitive (përpunim të informacionit, memorie e tjerë) dhe vështirësi në sjellje. Studiuesit më pas ishin në gjendje t’i lidhin këto probleme me anomalitë strukturore shumë specifike, të identifikuara përmes imazhit të rezonancës magnetike. Faktorët hormonalë “Anomalitë e vërejtura tek fëmijët që nuk flenë mjaftueshëm janë tipike për mungesën e gjumit edhe tek të rriturit”, komenton Francesco Fanfulla, kreu i Qendrës së Mjekësisë së Gjumit të institutit ”Maugeri” në Pavia. Në veçanti, ato kanë të bëjnë me ganglion bazale, një rajon i trurit i përfshirë në rregullimin e ritmit gjumë-zgjim, dhe korteksin, përgjegjës për funksionet më të sofistikuara njohëse. Studimi është shumë më tepër se një thirrje zgjimi, sepse konfirmon se mungesa e gjumit tek të rinjtë shkakton probleme njohëse dhe të sjelljes dhe sepse identifikon një efekt afatgjatë në strukturën e trurit.https://ata.gov.al/2022/11/01/cfare-ndodh-me-adoleshentet-nese-nuk-flene-mjaftueshem/