BE angazhoi mbi 23 miliardë euro në financimin e klimës në 2021

Bashkimi Evropian dhe 27 shtetet e tij anëtare kanë premtuar 23.04 miliardë euro (22.94 miliardë dollarë) në financimin e klimës në jugun global, njoftoi Këshilli i BE-së. Financimi nga burime publike synon “të mbështesë vendet në zhvillim për të reduktuar emetimet e tyre të gazeve serrë dhe për t’u përshtatur me ndikimet e ndryshimeve klimatike”, thuhet në një njoftim për shtyp. Njoftimi vjen përpara konferencës së OKB-së për ndryshimet klimatike COP27 që do të mbahet në Sharm-el-Sheikh, Egjipt nga 6 nëntori. Fondet përfshinin 2.50 miliardë euro nga buxheti i BE-së dhe Fondi Evropian i Zhvillimit, si dhe 2.56 miliardë euro nga Banka Evropiane e Investimeve. 54% e fondeve janë caktuar për përshtatjen klimatike ose për veprime që adresojnë si përshtatjen ashtu edhe zbutjen e ndryshimeve klimatike, thuhet në deklaratë, duke cituar të dhëna nga Komisioni Evropian. “BE dhe shtetet e saj anëtare janë të vendosur të vazhdojnë të përmbushin angazhimet e tyre ndërkombëtare për financimin e klimës drejt qëllimit kolektiv të vendeve të zhvilluara për të mobilizuar 100 miliardë dollarë në vit”, thuhet në njoftimin për shtyp. Financimi publik ndërkombëtar i klimës synon të mbështesë vendet në jugun global në zbatimin e marrëveshjes klimatike të Parisit të vitit 2015.https://ata.gov.al/2022/10/28/bruksel-be-angazhoi-mbi-23-miliarde-euro-ne-financimin-e-klimes-ne-2021/