Kryeministri Edi Rama u shpreh sot se Shqipëria ka inflacionin më të ulët në rajon, falë mburojës që vendosi për rritjen e çmimit të energjisë. Në një konferencë të përbashkët për shtyp me presidenten e Komisionit Europian, Ursula von der Leyen, Rama tha se asnjë familje në Shqipëri nuk ka një çmim të ndryshuar, por paguan të njëjtin çmim energjie si para krizës. “Pavarësisht se në ekranet tuaja dhe në faqet e informimit kjo gjë thuajse nuk duket asgjëkundi, përkundrazi e kundërta dhe e pavërteta zë shumë vend, Shqipëria sot ka inflacioni më të ulët në rajon. Arsyeja kryesore e këtij inflacioni, më i ulëti në rajon, pavarësisht se inflacioni nuk është asnjëherë i ulët në kohë lufte, është fakti që kemi një mburojë financiare për çmimin e energjisë. Në rast se ne do të kishim relativizuar këtë mburojë qoftë edhe pak, të kishim prekur çmimin e energjisë duke e afruar me tregun te biznesi i vogël, kjo do të ishte reflektuar te të gjitha familjet, por asnjë shtëpi në Shqipëri nuk ka një çmim të ndryshuar, paguan të njëjtin çmim energjie si para krizës”, tha ai.https://ata.gov.al/2022/10/27/shqiperia-me-inflacionin-me-te-ulet-ne-rajon/
- Advertisment -