Rishi Sunak ka deklaruar se po kandidon në garën e lidershipit konservator, sipas “Darlington & Stockton Times”. “Britania e Madhe është një vend i madh, por ne po përballemi me një krizë të thellë ekonomike. Kjo është arsyeja pse unë kërkoj të jem lideri i Partisë Konservatore dhe kryeministri juaj i ardhshëm. Unë dua të rregullojmë ekonominë tonë, të bashkojmë partinë tonë dhe të mbajmë premtimet për vendin tone”, shkroi Sunak në Twitter. Duke deklaruar ambiciet e tij kryeministrore, Rishi Sunak shkroi: “Kam shërbyer si kancelari juaj, duke ndihmuar në drejtimin e ekonomisë sonë në kohërat më të vështira. Sfidat me të cilat përballemi tani janë edhe më të mëdha. Por mundësitë, nëse bëjmë zgjedhjen e duhur, janë fenomenale”. “Unë kam një plan të qartë për të rregulluar problemet më të mëdha me të cilat përballemi dhe do të përmbush premtimin e 2019-ës. Do të ketë integritet, profesionalizëm dhe llogaridhënie në çdo nivel të qeverisë që unë do të drejtoj dhe do të punoj ditë pas dite për të kryer punën”, shtoi Sunak. “Unë po ju kërkoj mundësinë për të ndihmuar në zgjidhjen e problemeve tona. Të udhëheqim partinë dhe vendin tonë drejt zgjedhjeve të ardhshme të përgjithshme, të sigurt në të dhënat tona, të vendosur në bindjet tona dhe të gatshëm për të udhëhequr sërish”, përfundoi ai.https://ata.gov.al/2022/10/23/bm-sunak-njofton-kandidaturen-per-te-zevendesuar-liz-truss-si-kryeminister/
- Advertisment -