NATO fillon manovrat bërthamore Steadfast Noon

Forcat e armatosura nga 14 vende anëtare të NATO-s filluan sot manovrat vjetore për të simuluar mbrojtjen e territorit të mbuluar nga aleanca duke përdorur armë bërthamore. ”Manovrat, të quajtura ‘Steadfast Noon’, përfshijnë deri në 60 avionë, përfshirë avionë luftarakë, avionë vëzhgimi dhe karburanti si dhe bombardues B-52 me rreze të gjatë nga SHBA, që do të fluturojnë nga Dakota e Veriut”, sipas NATO-s. ”Fluturimet stërvitore do të zhvillohen mbi Belgjikë, e cila po pret stërvitjen, si dhe mbi Detin e Veriut dhe Britaninë”, tha NATO. ”Këto manovra organizohen çdo vit nga një aleat i ndryshëm i NATO-s”, tha zëdhënësi Oanan Lungescu. “Manovrat ndihmojnë për të siguruar që parandalimi bërthamor i aleancës të mbetet i sigurt dhe efektiv”, theksoi ai. Armë bërthamore amerikane ruhen në Belgjikë, Turqi, Holandë dhe Gjermani, sipas informacioneve që nuk janë konfirmuar zyrtarisht nga aleanca.https://ata.gov.al/2022/10/17/fokus-nato-fillon-manovrat-berthamore-steadfast-noon/