BE ka shpenzuar gabimisht mbi 5 miliardë euro

Gjykata Evropiane e Llogarive (ECA)e krijuar për parandalimin e keqpërdorimit të fondeve të Bashkimit Evropian raportoi se vitin e kaluar janë shpenzuar më shumë se 5 miliardë euro gabimisht. Gjykata e cila bën auditimin e buxhetit të BE-së, e publikoi raportin rreth shpenzimeve të vitit 2021. Sipas kësaj, janë rritur gabimet në shpenzimet e bëra nga buxheti i BE-së prej 181.5 miliardë euro. Përderisa niveli i përgjithshëm i gabimit në shpenzimet nga buxheti i BE-së ishte 2.7 për qind në vitin 2020, kjo përqindje u rrit në 3 për qind në vitin 2021. Kështu që rreth 5.4 miliardë euro nga shpenzimet e BE-së janë shpenzuar gabimisht vitin e kaluar. Theksohet se gati dy të tretat e shpenzimeve të audituara janë me rrezik të lartë. Shpenzimet e gabuara në fjalë përfaqësojnë shumën e parave që nuk janë përdorur në përputhje me rregullat e BE-së dhe ato kombëtare. Shumica e shpenzimeve në buxhetin e BE-së bëhen nga autoritetet kompetente të 27 shteteve anëtare.http://ata.gov.al/2022/10/13/fokus-eca-be-ka-shpenzuar-gabimisht-mbi-5-miliarde-euro/