Vala e protestave në Iran është shtrirë edhe në botën e punës dhe shumë kategorive dhe shoqatave profesionale të cila sot hynë në grevë. Ato përfshijnë nga studentët te punëtorët, mësuesit, avokatët, punëtorët e fabrikave si dhe ato të sektorit të naftës. Në disa qytete ka pasur protesta dhe tentativa për demonstrata, pavarësisht se autoritetet kanë ndërprerë internetin në zona të ndryshme të vendit. Kjo është një zgjatje e madhe e protestës pas vdekjes së Mahsa Aminit pas arrestimit të saj për mosmbajtjen e perçes siç duhet. “Unë besoj se ka ardhur koha për të sanksionuar ata që janë përgjegjës për shtypjen e grave iraniane dhe shkeljen” e të drejtave të tyre, deklaroi presidentja e Komisionit Evropian, Ursula von der Leyen. ‘’Dhuna tronditëse e shkaktuar mbi popullin iranian nuk mund të mbetet pa përgjigje dhe ne duhet të punojmë së bashku për sanksionet”, theksoi ajo. “Ne nuk do të lejojmë asnjë pjesë nga brenda apo jashtë Iranit të synojë sigurinë kombëtare të vendit”, deklaroi ministri i Jashtëm Iranian Hossein Amirabdollahian.https://ata.gov.al/2022/10/12/iran-pershkallezohen-protestat-ndaj-regjimit-autoritar/
- Advertisment -