Indeksi i Çmimeve të Ushqimit të FAO-s shënon rënie

Sipas raportit të ri të publikuar sot nga Organizata e Kombeve të Bashkuara për Ushqimin dhe Bujqësinë (FAO), indeksi i çmimeve botërore të mallrave ushqimore shënoi rënie për të gjashtin muaj radhazi në shtator, i ndikuar nga rëniet e kuotimeve të vajrave vegjetale më shumë se kompensimi nga çmimet e larta të drithërave. Indeksi i çmimeve rezultoi mesatarisht 136.3 pikë në shtator, 1.1 % më ulët se në gusht, ndërsa mbeti 5.5 për qind më i lartë se vlera e një viti më parë. Indeksi gjurmon ndryshimet mujore në çmimet ndërkombëtare të shportës së mallrave ushqimore të tregtuara zakonisht. Indeksi i çmimeve të vajit vegjetal të FAO-s që ndikoi në rënien këtë muaj, u ul me 6.6 për qind gjatë muajit duke arritur nivelin më të ulët që nga shkurti 2021. Kuotimet ndërkombëtare për vajrat e palmës, sojës, lulediellit dhe farave të repit arritën gjithashtu nivelin më të ulët. Në të kundërt, Indeksi i Çmimeve të Drithërave të FAO-s u rrit me 1.5 për qind nga gushti. Çmimet ndërkombëtare të grurit u rritën me 2.2 për qind, të lidhura me shqetësimet nga moti i thatë në Argjentinë dhe Shtetet e Bashkuara të Amerikës, ritmit të shpejtë të eksporteve nga Bashkimi Evropian mes kërkesës së lartë në tregun e brendshëm dhe rritjes së pasigurisë mbi vazhdimin e Iniciativës së Kokrrave të Detit të Zi përtej nëntorit. Indeksi i çmimeve të orizit të FAO-s u rrit me 2.2 për qind, kryesisht në përgjigje të ndryshimeve të politikës së eksportit në Indi dhe shqetësimeve lidhur me ndikimin e përmbytjeve në Pakistan. Indeksi i çmimeve të qumështit të FAO-s ra me 0.6 për qind në muaj, duke reflektuar në një masë të madhe ndikimin e euros dhe dobësimin e saj kundrejt dollarit amerikan, së bashku me pasiguritë e tregut dhe perspektivat e zymta të rritjes ekonomike globale. Indeksi i çmimeve të mishit të FAO-s ra me 0.5 për qind. Çmimet botërore të mishit të gjedhit ranë për shkak të disponueshmërisë së lartë të eksportit nga Brazili dhe rritjes së bagëtive në disa vende prodhuese, ndërkohë që çmimet e mishit të shpendëve u ulën për shkak të kërkesës së ulët për import. Nga ana tjetër, çmimet botërore të mishit të derrit u rritën për shkak të mungesës së ofertës në Bashkimin Evropian të kafshëve për mish. Indeksi i Çmimeve të Sheqerit të FAO-s ra me 0.7 për qind gjatë muajit shtator, kryesisht i lidhur me perspektivat e mira të prodhimit në Brazil, së bashku me çmimet më të ulëta të etanolit dhe efektet nga lëvizjet e monedhës.http://ata.gov.al/2022/10/07/indeksi-i-cmimeve-te-ushqimit-te-fao-s-shenon-renie-per-te-gjashtin-muaj-radhazi/