Vlera e prodhimit të ullirit u rrit në 147 milionë USD

Përveç perimeve të freskëta dhe frutave, Shqipëria ka potencial për të rritur eksportet edhe në nën sektorë të tjerë që përfshijnë lëkurën e gjedhit, produktet e peshkut, frutat e thata, peshkun e konservuar dhe ullinj të konservuar. Ministria e Bujqësisë dhe Zhvillimit Rural bën të ditur se, shembulli më pozitiv në këto vite në drejtim të rritjes së prodhimit dhe eksporteve ka qenë kultura e ullirit. Ullinjtë kanë përjetuar rritjen më të madhe në prodhimin bruto dhe vlerë në 10 vitet e fundit, si nga zgjerimi i sipërfaqes së kultivuar, ashtu edhe nga rritja e rendimentit dhe eksporteve si produkt i përpunuar, thekson MBZHR. Sipas MBZHR, vlera e prodhimit të ullirit u rrit nga 36 milionë dollarë në vitin 2006 arriti në 134 milionë dollarë në 2016 dhe në gati 147 milionë USD në 2020. Ullinjtë pësuan rritjen më të madhe në vlerë gjatë periudhës 2016-2021, të ndjekur nga vezët, domatet, misri dhe rrushi. Pavarësisht rritjes së rendimentit në disa kultura, produktiviteti bujqësor i Shqipërisë vazhdon të jetë shumë më i ulët se i konkurrentëve të saj në kulturat kryesore., ndaj MBZHR po punon për rritjen e certifikimit të prodhimit. Ndërsa sot në Shqipëri punohet afro 250 mijë ha tokë, nga 125 mijë ha që punoheshin në në vitin 2013. Skemat mbështetëse që ka dhënë qeveria janë drejtuar në rritjen e cilësisë së produkteve bujqësore, fara dhe fidanë por edhe në shtimin e pikave të grumbullimit dhe përpunimit , ku produktet që prodhojnë fermerët kanë më shumë mundësi për të shkuar në tregje të tjera ndërkombëtare. Ndërsa vitin e kaluar qeveria dha një fond të veçantë për shtimin e sipërfaqeve të mbjella me ullinj, si dhe përmirësimin e mekanizmit dhe rritjen e kapaciteteve të prodhimit të vajit të ullirit.https://ata.gov.al/2022/09/14/vlera-e-prodhimit-te-ullirit-u-rrit-ne-147-milione-usd/