Dëmet e shkaktuara nga përmbytjet , të paimagjinueshme

Shefi i Kombeve të Bashkuara, Antonio Guterres vizitoi sot rajonet e goditura nga përmbytjet në Pakistanin jugor, ku autoritetet po përpiqen të shpëtojnë dhjetëra mijëra banorë të zhvendosur. Shefi i OKB-së u informua për ndikimin e përmbytjeve dhe më pas i kërkoi komunitetit ndërkombëtar të jepte mbështetje të mëdha financiare. Guterres tha se Pakistani ishte një nga 15 vendet e prekura më shumë nga ndryshimet klimatike ndërsa i bëri thirrje botës që të siguronte mbështetje masive në mënyrë që vendi të shmangte një tjetër fatkeqësi të ngjashme. Shefi i OKB-së po zhvillon një vizitë dyditore në Pakistan për të rritur ndërgjegjësimin ndaj fatkeqësive. Përmbytjet e paprecedentë që u shkaktuan nga shirat e dendur në qershor kanë shkaktuar vdekjen e 1 396 personave deri më tani, një e treta e tyre fëmijë. http://ata.gov.al/2022/09/10/islamabad-guterres-demet-e-shkaktuara-nga-permbytjet-ne-pakistan-te-paimagjinueshme/