Bordi i Transparencës publikoi të premten çmimet tavan për produktet e shportës, sheqer dhe miell. Bordi i Transparencës dhe Monitorimit të Çmimeve të Tregtimit me shumicë dhe Pakicë të produkteve ushqimore bazë dhe produkteve të tjera të lidhura me to vendosi që, çmimi tavan i shitjes me pakicë të sheqerit do të jetë 118 lekë, nga 114 lekë që ishte nga vendimi i fundit. Çmimi tavan për shitjen e miellit do të jetë 83 lekë/kg. 1. Miratimin e marzheve tavan që do të aplikohen për disa produkte ushqimore bazë, si pasojë e situatës së veçantë të krijuar nga rritja e çmimeve ndërkombëtare. 2. Për artikullin sheqer (1 kg) miratohen marzhet si më poshtë: a. Marzhi tavan i tregtimit të shitjes me shumicë të sheqerit nga importuesi dhe ambalazhuesi është 15 lekë/kg (6 lekë/kg për importuesin dhe 9 lekë/kg për ambalazhuesin) mbi koston e importit plus detyrimet e paguara në doganë. b. Marzhi i tregtimit të transportuesit i cili mund të jetë shitësi me shumicë, shitësi me pakicë apo palë të treta, nga magazina e shitësit me shumicë tek magazina e shitësit me pakicë është 2 lekë/kg mbi çmimin e llogaritur. c. Marzhi i tregtimit të shitjes në njësitë e tregtimit me pakicë të produktit sheqer është 3 lekë/kg mbi çmimin e llogaritur. Për artikullin miell masiv miratohen marzhet tavan si më poshtë: a. Marzhi tavan i tregtimit të shitjes me shumicë të miellit nga prodhuesi dhe ambalazhuesi llogaritet si vijon: i. Kostos së importit të grurit plus detyrimeve të paguara në doganë i shtohet mbi to 32% kosto e përpunimit dhe ambalazhimit nga grurë në produkt të gatshëm miell; dhe ii. Mbi kostot e llogaritura sipas pikës së mësipërme “i”, shtojmë marzhin e tregtimit 2.5 lekë/kg për tregtarët e shumicës. b. Marzhi i tregtimit të transportuesit i cili mund të jetë shitësi me shumicë, shitësi me pakicë apo palë të treta, nga magazina e shitësit me shumicë tek magazina e shitësit me pakicë është 2.5 lekë/kg mbi çmimin e llogaritur. c. Marzhi i tregtimit të shitjes në njësitë e tregtimit me pakicë të produktit miell masiv është 2.5 lekë/kg mbi çmimin e llogaritur. Ky vendim është i detyrueshëm për të gjitha subjektet që tregtojnë me shumicë dhe pakicë produktet e përcaktuara në këtë vendim. Administrata Tatimore, monitoron tregun nëpërmjet verifikimit të faturave të lëshuara nga subjektet gjatë periudhës së situatës së veçantë të krijuar në treg dhe raporton pranë Bordit çdo muaj brenda datës 10 të muajit pasardhës të periudhës raportuese. Ky vendim hyn në fuqi në datë 10.09.2022 dhe i shtrin efektet deri në mbledhjen e ardhshme të Bordit.http://ata.gov.al/2022/09/09/bordi-i-transparences-vendos-cmimet-e-produkteve-te-shportes-2/
- Advertisment -