Inflacioni arrin në nivelin më të lartë të 26 viteve

Inflacioni i çmimeve të konsumit në Lituani u përshpejtua më tej në gusht, duke arritur nivelin më të lartë në 26 vjet, sipas të dhënave nga zyra e statistikave. Indeksi i çmimeve të konsumit u rrit me 22,4% në terma vjetorë në gusht, më shpejt se rritja prej 21,6% në korrik. Për më tepër, kjo ishte norma më e fortë e inflacionit që nga gushti 1996, kur çmimet ishin rritur me 24,3%. Tendenca e fundit rritëse e inflacionit u ndikua kryesisht nga një rritje prej 59,1% e kostove të shërbimeve. Kjo u pasua nga një rritje prej 30,6% e çmimeve të ushqimeve dhe pijeve joalkoolike. Kostot e transportit u rritën me 26,4% krahasuar me vitin e kaluar, të nxitura nga rritja e çmimeve të karburanteve dhe lubrifikantëve. Në baza mujore, çmimet e konsumit u rritën me 1,0% në gusht, kundrejt një rritjeje prej 1,2% në muajin e kaluar.http://ata.gov.al/2022/09/08/lituani-inflacioni-arrin-ne-nivelin-me-te-larte-te-26-viteve/