Ministrja e Shtetit për Rininë dhe Fëmijët, Bora Muzhaqi priti sot Stine Klapper dhe Rezarta Ajazaj nga Friedrich Ebert Stiftung. Në takim u diskutua mbi hartimin e Strategjisë Kombëtare të Rinisë. Gjithashtu në takim u bisedua edhe për nevojën e një tryeze koordinimi me të gjithë aktorët e përfshirë në këtë proces për përcaktimin e mënyrave të zbatimit dhe monitorimit të kësaj strategjie. “Së bashku me mbështetësit e konsultimit të Strategjisë Kombëtare të Rinisë, Stine Klapper dhe Rezarta Ajazaj nga Friedrich Ebert Stiftung, diskutuam mbi procesin e hartimit të kësaj strategjie dhe hapat e radhës që do të ndërmarrim”, shkroi Muzhaqi në një postim në rrjetet sociale. “Ndër të tjera, biseduam edhe për nevojën e një tryeze koordinimi me të gjithë aktorët e përfshirë në këtë proces, për të përcaktuar mënyrat më efektive të zbatimit dhe monitorimit të Strategjisë Kombëtare të Rinisë 2022-2029”, theksoi Muzhaqi.https://ata.gov.al/2022/08/30/strategjia-kombetare-e-rinise-muzhaqi-takim-me-perfaqesues-te-fes/
- Advertisment -