Kievi dëshiron anëtarësimin e drejtpërdrejtë në NATO

Ukraina dëshiron të bëhet një anëtare e NATO-s drejtpërdrejt, dhe jo sipas planit të mëparshëm të anëtarësimit të formuar përpara se trupat ruse të pushtonin vendin në shkurt, deklaroi zëvendëskryeministrja për Integrimin Evropian dhe Euro-Atlantik Olha Stefanishyna. Vetë anëtarësimi përmes një rruge të drejtpërdrejtë, është një opsion. Ukraina ka adoptuar vërtet shumë praktika të aleancës ushtarake perëndimore, theksoi ajo duke shtuar se ‘’ushtarët e vendit kanë një përvojë unike luftarake që u mungon ushtarëve të anëtarëve të tjerë të NATO-s’’. Rusia pushtoi Ukrainën më 24 shkurt, duke kërkuar që Ukraina të ketë status neutral dhe në këtë mënyrë të braktisë objektivin e saj kushtetues të vitit 2019 për t’u bërë anëtare e NATO-s. Anëtarët e mundshëm të aleancës zakonisht duhet të ndjekin një plan anëtarësimi për t’i sjellë vendet e tyre në përputhje me standardet e NATO-s.https://ata.gov.al/2022/08/29/fokus-stefanishyna-kievi-deshiron-anetaresimin-e-drejtperdrejte-ne-nato-jo-nje-pranim-te-ngadalte/