Ambasada gjermane mbështetje projekteve inovative në zonat rurale

Ambasada gjermane në Tiranë mbështet projektet inovative për krijimin e burimeve të reja të ardhurash në zonat rurale të Shqipërisë. Ambasadori i Gjermanisë në Tiranë, Peter Zingraf dhe përfaqësuesi i OJQ-së “WmenToWards Integration”, Neritan Dura, nënshkruan sot marrëveshjen e financimit. Në njoftimin e publikuar nga Ambasada theksohet se zonat rurale të Shqipërisë karakterizohen nga nivele të ulëta të punësimit dhe papunësia e fshehur, bujqësia është dega më e rëndësishme e ekonomisë. “Bizneset e vogla familjare duhet të gjejnë burime alternative të ardhurash. Në projektin e organizatës joqeveritare WomenToWards Integration në Pukë, gratë mësojnë të bëjnë makarona – përziejnë brumin, presin makaronat, i thajnë dhe i paketojnë. Ato prodhojnë lloje të ndryshme makaronash, edhe me barishte të zonës. Një rol të rëndësishëm luan edhe marketingu i produkteve. Nga ky trajnim dhe nga burimi i ri i të ardhurave do të përfitojnë 25 gra dhe familjet e tyre, thuhet në njoftim.https://ata.gov.al/2022/08/29/ambasada-gjermane-mbeshtetje-projekteve-inovative-ne-zonat-rurale/