DPSHTRR: Regjistrimi i mjeteve në vetëm 30 minuta

Drejtoria e Përgjithshme e Shërbimit të Transportit Rrugor vijon investimet në sisteme digjitale për të përmirësuar shërbimin për qytetarët. “Mirëadministrimi përgjatë periudhës 2019-2022, risitë, investimet në sisteme digjitale e në logjistikë informatike, përmirësimi i akteve rregullatore, rikonceptimi i shërbimeve e modernizimi infrastrukturor, konsolidimi i entit në çdo aspekt, politikat e duhura me mbështetjen e MIE dhe qeverisë shqiptare, kanë bërë të qëndrueshëm progresin e DPSHTRR, që rezulton në shërbime jetike më ekonomike, më të shpejta, më të thjeshta e praktike dhe shumë më cilësore për qytetarët dhe subjektet”, bën të ditur DPSHTRR. DPSHTRR bën të ditur se falë këtyre investimeve sot në vetëm 30 minuta qytetarët mund të regjistrojnë mjetin e tyre dhe mbyllin të gjitha procedurat, me një kosto prej 6600 lekësh. “Automotorizmi shqiptar, i gjymtuar nga rrjedha e historisë ndër vite, sot krahasohet krenarisht me vendet dhe shërbimet homologe në rajon. Nëse dikur do duhet të prisje me orë të gjata, të dorëzoje dhjetëra dokumente që kushtonin, e mbi të gjitha të gjeje mënyra alternative për të marrë shërbim sa më shpejt, sot në vetëm 30 minuta ju regjistroni mjetin tuaj dhe mbyllni të gjitha procedurat me një kosto prej 6600 lekësh”, bën të ditur DPSHTRR.https://ata.gov.al/2022/08/29/investimet-nga-dpshtrr-regjistrimi-i-mjeteve-ne-vetem-30-minuta/