Sezoni i dimrit po afron e me këtë rast edhe ngrohtorja e kryeqytetit “Termokos”, është duke i bërë përgatitjet e nevojshme. Nga kjo ndërmarrje kanë bërë të ditur zonat të cilat do të gëzojnë ngrohjen për herë të parë në këtë sezon. Nexhmedin Aliu thotë se në kryeqytet ngrohet me dru. Duke qenë se dimri po afron, ai dhe banorë të tjerë të lagjes Arbëria, presin që së shpejti të këtë ngrohje qendrore. “Shtrirja është shumë e nevojshme. Unë për veti në lagjen ku jetoj nuk kemi ngrohje. Po nxehemi qysh po kemi mundësi vet”, thotë Aliu, banor në lagjen Arbëria. “Ngrohemi individualisht me pelet. Mezi po presim me ardh ngrohja por kur vjen nuk e di”, thotë Feride Vokrri, banore në lagjen Arbëria. Afërdita Uka- Fejzullahu, zëdhënëse e ndërmarrjes “Termokos”, tha se në këtë sezon, ngrohtorja e kryeqytetit do të zgjerojë rrjetin edhe në shumë objekte banesore si në një në një pjesë të lagjes Mati 1 dhe 86 objekte në lagjet Qendra, Ulpianë, Dardani dhe Bregu i Diellit. “Në kuadër të një projekti që kemi me Bankën Gjermane për Zhvillim, përkatësisht me fondet e ndara nga Qeveria Gjermane përmes bankës gjermane për zhvillim dhe nga Qeveria e Luksemburgu, jemi në realizim të projektit për zgjerim dhe rehabilitim të ngrohjes. Në kuadër të tij do të përfshihen 141 objekte banesore të lagjes Mati 1, përkatësisht janë objekte banesore të reja të ndërtuara në rrugën Muharrem Fejza dhe rrugicat përreth”, thotë Afërdita Uka- Fejzullahu, zëdhënëse e ndërmarrjes “Termokos”. Ajo bëri të ditur edhe projekte të tjera sikurse projektit për energjinë solare ku vitin e ardhshëm do të ketë kyçje të objekteve banesore edhe të një pjesë të lagjes Arbëria dhe lagjja Tophane. Projekt tjetër qe është duke realizuar kjo ndërmarrje sipas saj janë edhe matësit për ngrohjen. Më këtë rast, Fejzullahu ka ftuar gjithë qytetarët të cilët janë të kyçur në rrjetin e ngrohtores që të pajisen me matës të mençur që mundësojnë matjen e shpenzimeve, gjë që do të mundësojë edhe zgjerimin e rrjetit të ngrohjes qendrore për zona të tjera.https://www.rtklive.com/sq/news-single.php?ID=614997
- Advertisment -