Zonja e Parë amerikane,Jill Biden ka rezultuar pozitive për koronavirus, pasi shfaqi simtoma të lehta gjatë pushimeve me bashkëshortin e saj në Karolinën e Jugut, bëri të ditur sot Shtëpia e Bardhë. Një tampon i shpejtë rezultoi fillimisht negativ, por testi i PCR-së konfirmoi infektimin me virusin COVID-19. Zonja e Parë tashmë do të izolohet për pesë ditë me radhë në shtëpinë e pushimeve, ndërkohë që do të trajtohet me antiviralin “Paxlovid’. Zonja e Parë amerikane është vaksinuar edhe me dy dozat përforëcuese të vaksinave kundër virusit.
Presidenti Joe Biden, i cili sapo është shëruar nga infeksioni i koronavirusit, rezultoi negativ në analizat që iu bënë sot. Si masë parandaluese, Shtëpia e Bardhë tha se analizat mjekësore për Presidentin për COVID-19 do të jenë më të shpeshta dhe rezultatet do të bëhen të ditura.” Presidenti planifikon të rikthehet në Uashington për nënshkrimin sot të një pakete të re gjithëpërfshirëse për klimën, shëndetësinë dhe taksat.http://ata.gov.al/2022/08/16/shba-zonja-e-pare-infektohet-me-covid-19/
