Deficiti tregtar i eurozonës u rrit në fund të tremujorit të dytë, pasi eksportet ranë dhe importet u rritën, treguan sot të dhënat nga Eurostat. Deficiti tregtar i rregulluar sezonalisht u rrit në 30,8 miliardë euro në qershor nga 27,2 miliardë euro në maj. Bilanci tregtar mbeti negativ gjithashtu për të nëntin muaj radhazi në qershor. Eksportet shënuan një rënie margjinale me 0,1% nga muaji në muajin qershor, ndërsa importet u rritën me 1,3%. Në një bazë të parregulluar, bilanci tregtar tregoi një deficit prej 24,6 miliardë eurosh krahasuar me një suficit prej 17,2 miliardë euro në vitin e kaluar. Eksportet shënuan një rritje vjetore dyshifrore prej 20,1% në qershor. Në të njëjtën kohë, importet u rritën me një ritëm shumë më të shpejtë prej 43,5%. Gjatë gjysmës së parë të këtij viti, deficiti tregtar ishte 140,4 miliardë euro kundrejt suficitit prej 100,6 miliardë euro në periudhën korresponduese të një viti më parë.http://ata.gov.al/2022/08/16/bruksel-rritet-deficiti-tregtar-i-eurozones/
- Advertisment -