Kina teston motorin më të fuqishëm në botë të raketave me lëndë djegëse të ngurtë

Kina njoftoi se ka testuar motorin më të fuqishëm në botë të raketave që punojnë me lëndë djegëse të ngurtë. Në një deklaratë nga kompania e shkencave dhe teknologjisë së hapësirës ajrore (CASC) të Kinës thuhet se motori i raketës arriti në fuqinë shtytëse 500 tonë në testin tokësor në zonën Xi‘an në rajonin Shanxi. Motori në fjalë prej 3.5 metra thuhet se aktualisht është më i miri në botë dhe se ai prodhon katër herë më shumë fuqi se motori i raketës me karburant të lëngshëm që ndez Long March 5 e cila është raketa më e madhe transportuese që Kina përdor aktualisht në programin e saj hapësinor. Për të pakësuar peshën dhe përmasën e motorit të raketës, janë përdorur produkte kompozite që përmbajnë fibra me rezistencë të lartë si dhe për të rritur fuqinë shtytëse janë përdorur disa teknologji të reja në depozitën e djegies dhe sistemit të shkarkimit (marmitës). Po ashtu bëhet e ditur se edhe versioni i motorit i cili do të mund të prodhojë 1.000 tonë fuqi shtytëse është në fazën e zhvillimit.