Vepra njihet veçanërisht për valset, ritmet e gjalla dhe humorin, duke përfshirë numra shumë të famshëm si “Mein Herr, was dächten Sie?”, “Frühlingsstimmen” dhe finalen e aktit të dytë.
Në TKOB shfaqja do të vihet në skenë për tri net radhazi: 25, 26 dhe 27 shtator. Tenori Denis Skura do të interpretojë rolin e Gabriel von Eisenstein, për tri mbrëmje radhazi.
Tenori Erlind Zeraliu do të interpretojë rolin e Frank, ndërsa Gilmond Miftari do të interpretojë rolin e Dr. Blind. Tenorët e tjerë Gerald Murrja dhe Matias Xheli do të ndajnë së bashku rolin e Alfredit. Rosalinda do të interpretohet nga sopranot Renisa Laçka dhe Nina Muho, ndërsa Rovena Xhelili do të interpretojë rolin e Adelës.
Ida do të interpretohet nga sopranot Greis Shametaj dhe Viola Bakiasi. Baritonët Solen Alla dhe Artur Vera do të interpretojnë në rolin e Dr Falke ndërsa Genc Vozga do të interpretojë rolin e Frosch, për tri net radhazi. Mezzo-sopranoja Amelda Papa do të interpretojë rolin e Prinz Orlofsky.
