Vritet një komandanti i lartë i talebanëve pakistanezë

Një komandant i lartë i talebanëve pakistanezë, i cili qëndronte pas disa prej sulmeve më vdekjeprurëse të viteve të fundit, u vra në Afganistan duke i dhënë kështu një goditje të madhe militantëve islamikë. Abdul Wali Mohmand, i njohur gjithashtu me pseudonimin Omar Khalid Khorasani, ishte në listën e të kërkuarve të Departamentit amerikan të Shtetit, që ofronte një shpërblim deri në tre milionë dollarë për informacion mbi vendndodhjen e tij. Automjeti i tij u shënjestrua nga një bombë në anë të rrugës në provincën afgane Paktika, në kufi me Pakistanin. Talebanët pakistanezë të hënën konfirmuan vdekjen dhe thanë se grupi së shpejti do të lëshojë një deklaratë më të gjatë për vrasjen. Të paktën dy komandantë të tjerë janë vrarë gjithashtu.https://ata.gov.al/2022/08/08/afganistan-vritet-nje-komandanti-i-larte-i-talebaneve-pakistaneze/