Forcat zjarrfikëse në Fier kanë ndërhyrë sot për menaxhimin e situatës së zjarrit në një zonë bujqësore. Kryetari i bashkisë Fier, Armando Subashi publikoi sot në rrjetet sociale momente nga kjo ndërhyrje ndërsa i bëri thirrje gjithë fermerëve që të mos ndezin zjarre të tilla. “Këto janë ato raste që fillojnë me ndezjen e hamulloreve nga fermerët dhe pa pritur e pa kujtuar kthehen në zjarre të mëdha e të rrezikshme”, tha ai. Sipas Subashit, temperaturat e larta dhe era e fortë, në pak sekonda mund ta nxjerrë situatën jashtë kontrollit dhe dëmet mund të jenë të mëdha dhe të pariparueshme.
- Advertisment -