Zero tolerancë ndaj atyre që rrezikojnë jetën e pushuesve 

Drejtori i Përgjithshëm i Policisë së Shtetit, Gledis Nano vijoi sot inspektimin në jug të vendit, për të parë nga afër zbatimin e masave shtesë për rritjen e parametrave të sigurisë në plazhet e vendit. Nano inspektoi vijën bregdetare nga Ksamili në Vlorë. Gjatë takimeve me drejtuesit e strukturave vendore, ato kufitare dhe me efektivët në shërbim, Nano kërkoi zero tolerancë ndaj atyre që cenojnë dhe rrezikojnë sigurinë e jetës së pushuesve në plazhe. “Serioziteti, përkushtimi dhe ndershmëria juaj në kryerjen e detyrës është baza e suksesit dhe faktori kryesor për rritjen e parametrave të sigurisë në plazhe, si dhe për të fituar respektin dhe vlerësimin e pushuesve dhe të qytetarëve në përgjithësi. Mos e shpërdoroni këtë mundësi, mos dëmtoni imazhin e Policisë së Shtetit, dhe më keq akoma, mos rrezikoni jetën e qytetarëve me neglizhencën tuaj”, tha aihttps://ata.gov.al/2022/08/07/nano-zero-tolerance-ndaj-atyre-qe-rrezikojne-jeten-e-pushuesve-ne-plazhe/