Studime të shumta tregojnë se indi i butë brenda këtyre dhëmbëve, i njohur si pulpë dentare, përmban qeliza staminale me potencial të lartë për të ndihmuar në rigjenerimin e indeve të ndryshme në trup, përfshirë kockat, sistemin nervor dhe potencialisht edhe zemrën.
Këto qeliza, të quajtura Qeliza Staminale të Pulpës Dentare (DPSCs), janë një lloj qelizash staminale – të afta për t’u shndërruar në disa tipe qelizash, përfshirë qeliza nervore, kockore dhe inde lidhore.
Kërkimet janë realizuar nga institucione të njohura ndërkombëtare, përfshirë:
- Universiteti Kyushu në Japoni, ku studiues si Shinichiro Yoshida dhe kolegë kanë analizuar rolin e këtyre qelizave në terapi rigjeneruese.
- Studime klinike u kryen në Universitetin e Tsukubas, të udhëhequra nga shkencëtarë si Yoichi Yamada dhe ekipi i tij, të cilët analizuan përdorimin e qelizave nga indi dentar në trajtime reale tek pacientët.
- Studiues nga fusha e neuroshkencës kanë treguar se këto qeliza mund të shndërrohen në qeliza nervore funksionale, duke hapur rrugë për trajtime të mundshme të sëmundjeve neurologjike.
