Nxjerrja e bitcoin në mbarë botën konsumon një sasi energjie elektrike të barabartë me nevojat e të gjithë Argjentinës, sipas një ekipi studiuesish nga Universiteti i Kembrixhit, të cilët zhvilluan indeksin e konsumit të energjisë elektrike, që mat sasinë e energjisë së përdorur globalisht për minierat e kriptomonedhave, shkruan faqja pazienti.it.
Bitcoin është një kriptomonedhë, pra një monedhë elektronike që krijohet në mënyrë digjitale përmes softuerit specifik.
Procesi i gjenerimit të bitcoin përfshin zgjidhjen e llogaritjeve shumë të ndërlikuara që kërkojnë kompjuterë shumë të fuqishëm të pajisur me procesorë veçanërisht me performancë të lartë.
Ata që prodhojnë bitcoin përdorin superkompjuterë të veçantë, shpesh të ndërtuar vetë dhe të pajisur me dhjetëra procesorë që punojnë njëkohësisht me synimin për të gjeneruar monedhën digjitale.
Ato kërkojnë sisteme ftohjeje shumë efikase dhe të uritur për energji, të cilat janë thelbësore për të shmangur mbinxehjen e makinerive.
Megjithatë, nxjerrja e bitcoinit është një proces i ndërlikuar dhe, siç u tha, veçanërisht i kushtueshëm nga pikëpamja energjetike.
