Makina fluturuese merr licencën

Një makinë fluturuese nga Sllovakia ka marrë leje zyrtare për të fluturuar si aeroplan, deklaroi një zëdhënës i Ministrisë sllovake të Transportit. Prodhuar nga kompania ”Klein Vision” në qytetin sllovak të Nitras, nën emrin “AirCar”, përfundoi fluturimin e saj të parë midis aeroporteve të dy qyteteve në qershor 2021. Për gjysmë ore ”AirCar” fluturoi nga Nitra në kryeqytetin sllovak Bratislava, 75 kilometra larg. ”Që atëherë, ajo ka përfunduar me sukses të gjitha testet e nevojshme për të marrë një leje zyrtare fluturimi nga autoriteti sllovak i aviacionit”, theksoi kompania ”Klein Vision”. Avioni hibrid ka përfunduar tani 200 ngritje dhe ulje dhe gjithsej 70 orë fluturimi. Linja ajrore planifikon të ofrojë fluturime direkte midis Parisit dhe Londrës në të ardhmen e afërt. “AirCar”, e zhvilluar nga themeluesi i kompanisë, Stefan Klein, mund të ecë në rrugë si një makinë normale dhe, pasi hap krahët, shndërrohet në një aeroplan në vetëm tre minuta