Komisioneri Shtetëror i Zgjedhjeve, Ilirjan Celibashi deklaroi sot se ka përfunduar projektakti për rregullat për regjistrimin e zgjedhësve nga jashtë vendit. Celibashi thekson se, vazhdon puna nga KQZ-ja për mundësimin e votimit të emigrantëve në zgjedhjet e përgjithshme parlamentare. Ai sqaron se, procesi ka mbërritur në pikën e konsultimit me përfaqësues të diasporës, partive politike dhe shoqërisë civile. “Kemi përfunduar projektaktin për rregullat për regjistrimin e zgjedhësve nga jashtë vendit për zgjedhjet për Kuvend. Tashmë ndodhemi në procesin e konsultimit të këtyre rregullave me përfaqësues të diasporës, partive politike dhe shoqërisë civile. KQZ-ja po vijon punën për hartimin e akteve të tjera rregullatore për aspektet e tjera të procesit të votimit të emigrantëve”, shprehet ai në një reagim në rrjetet sociale.https://ata.gov.al/2022/08/04/vota-e-emigranteve-celibashi-perfundon-projektakti-per-regjistrimin/
- Advertisment -