Scholz: Zgjasim kohën e funksionimit të termocentraleve bërthamore

Kancelari gjerman Olaf Scholz tha të mërkurën se është e mundur të zgjatet koha e funksionimit të termocentraleve bërthamore, një pozicion që do të shënonte një ndryshim për kreun e qeverisë, i cili ka qenë në detyrë për më pak se një vit. Centralet e fundit bërthamore të mbetura në Gjermani do të mbyllen përgjithmonë deri në fund të këtij viti në një seri politikash të quajtura “Energiewende” që datojnë që nga paraardhësja e Scholz, Angela Merkel. Megjithatë, një numër në rritje politikanësh kanë argumentuar të shtyjnë mbylljen e tyre, duke thënë se kjo do të ofronte një alternativë ndaj gazit natyror gjithnjë e më të pakët, për të cilin Gjermania varet nga Rusia. Scholz tha se një lëvizje e tillë “mund të ketë kuptim” edhe nëse tre termocentralet e fundit bërthamore në Gjermani janë të rëndësishme vetëm për një sasi të vogël të prodhimit të energjisë elektrike. “Ne do të veprojmë për të gjithë Gjermaninë, do të mbështesim të gjitha rajonet e Gjermanisë në mënyrën më të mirë të mundshme në mënyrë që furnizimi me energji për të gjithë qytetarët dhe të gjitha kompanitë të garantohet në mënyrën më të mirë të mundshme”, theksoi Scholz.