Astronautët kinezë do të kontrollojnë robotët me mendjen e tyre

Duket se astronautët kinezë do të jenë në gjendje të kontrollojnë makinat në hapësirë ​​me fuqinë e mendimit: duket, sipas një studimi të publikuar në revistën shkencore kineze ”Control and Measurement of Computers”, shkruan focus.it Shpikësi Wang Congqing deklaroi se “në misionet e ardhshme hapësinore, makinerit dhe njerëzit do të punojnë së bashku, ndërsa tastierat e kompiuterave dhe levat e komandimeve nuk është më të nevojshme, por vetëm mendja dhe sytë. Si funksionon? Testet, për momentin, janë kryer vetëm në laborator, por sipas studiuesve deri në fund të vitit teknologjia do të përdoret nga astronautët në stacionin hapësinor kinez të Tiangong. Në kokën e operatorit do të lidhet një pajisje, e cila do të shikojë një ekran në të cilin do të shfaqen pjesë të ndryshme të robotit, i cili do të ndizet me ndërprerje. Në këtë pikë astronautit do t’i duhet vetëm të fiksojë shikimin në pjesën që dëshiron të lëvizë dhe pajisja do të ekzekutojë urdhrin telekinetik. ”Valët që truri dërgon në ekran janë shumë të dobëta për t’u interpretuar drejtpërdrejt nga pajisja: për këtë arsye ato ndërmjetësohen nga inteligjenca artificiale e zhvilluar nga ne, e cila “merr me mend” zgjedhjen e operatorit dhe vepron në përputhje me rrethanat”, theksuan studiuesit. Mungesa e gravitetit Sipas studiuesve, kjo teknologji e re është 99% e saktë (për të pasur një term krahasimi, tastiera e kompjuterit tonë ka një saktësi shtypjeje prej 92%) dhe nuk kërkon trajnim të veçantë për t’u përdorur. Në hapësirë, është gjithashtu më e vështirë të përdoren komanda komplekse fizike për shkak të mungesës së gravitetit, kështu që kjo teknologji e re mund të jetë e dobishme për kozmonautët. Robotë edhe në fabrikë Sipas një studimi tjetër të cituar nga South China Morning Post, një teknologji e ngjashme mund të përdoret edhe në fushën industriale: robotët do të kontrolloheshin nga njerëzit vetëm me “fuqinë e mendimit”, duke përshpejtuar kështu operacionet e linjës së montimit.