Lumi i Shalës në Tropojë mbetet një nga destinacionet më të veçanta të Alpeve Shqiptare.
Ndërsa pyjet në të dy anët e luginës së lumit marrin ngjyrat karakteristike të vjeshtës, kontrasti mes toneve të arta të bimësisë dhe ujërave kristal blu të lumit e bën panoramën veçanërisht të spikatur.
Në këtë periudhë, Lumi i Shalës tërheq vizitorë që kërkojnë qetësi.
Lartësitë shkëmbore dhe luginat e ngushta përbëjnë një sfond të rrallë për ecje, fotografi dhe aktivitete eksploruese.
Banorët e zonës shprehen se vjeshta është një nga stinët më të përshtatshme për të vizituar lumin, pasi moti mbetet i qëndrueshëm dhe ngjyrat e natyrës e theksojnë më qartë karakterin e egër dhe të paprekur të Alpeve.
