Zbulohet qyteti 3 400-vjeçar i Perandorisë Mittani

Arkeologët kanë zbuluar një qytet antik që daton nga Perandoria Mittani rreth 3 400 vjet më parë, në lumin Tigër, në provincën Duhok të Irakut. “Kemi gjetur një qytet antik 3 400-vjeçar në Duhokit, që daton nga Perandoria Mittani”, u tha gazetarëve Bekes Birifkani, drejtor i artefakteve historike dhe kulturës në provincën e Duhokut. Ai vuri në dukje se zona ka qenë e banuar deri në vitin 1985, para se të ndërtohej diga e Mosulit në vitin 1990, kur zona u mbush me ujë. Duke vënë në dukje se më shumë se 2 000 objekte historike janë zbuluar në qytet deri më tani, Birifkani tha se gërmimet e këtij viti dhanë gjithashtu rezultate të rëndësishme. “Pavarësisht mijëra viteve që kanë kaluar, muret dhe strukturat e saj disa metra të larta nuk janë shkatërruar”, tha ai. Kreu i Agjencisë për Mbrojtjen e Trashëgimisë Kulturore të Administratës Rajonale Kurde të Irakut (ARG), Hassan Ahmed tha se ata kanë intensifikuar punën e tyre që nga fillimi i vitit për shkak të tërheqjes së ujit nga lumi Tigër.