Pacientët në Bashkimin Evropian do të vazhdojnë të përballen me mungesë të barnave thelbësore edhe në të ardhmen, sipas një raporti të Gjykatës Evropiane të Auditorëve.
Pavarësisht masave të marra, ekziston ende rreziku që disa ilaçe, përfshirë antibiotikë të zakonshëm, të mos jenë gjithmonë të disponueshme, thuhet në raport.
Numri i mungesave të raportuara nga vendet e BE-së arriti nivele rekord në vitet 2023 dhe 2024.
Vetëm nga janari 2022 deri në tetor 2024, shtetet anëtare regjistruan mungesa të 136 barnave.
Klaus-Heiner Lehne nga Gjykata Evropiane e Auditorëve bëri thirrje për një zgjidhje efektive ndaj mungesave të barnave dhe theksoi se për qetësues të zakonshëm si paracetamoli dhe ibuprofeni, BE ishte plotësisht e varur nga Azia.
Komisioni Evropian, përgjegjës për propozimet ligjore në union, pranoi thirrjen e auditorëve për një kuadër më të fortë dhe shprehu shpresën se legjislacioni i propozuar për të luftuar mungesat e barnave do të miratohej së shpejti nga shtetet anëtare dhe Parlamenti Evropian
