Depozitat i rikthehen rritjes në qershor me 10.3 miliardë euro

Depozitat bankare, ose kursimet në para të qytetarëve, iu rikthyer rritjes me ritme të larta në muajin qershor të këtij viti. Banka e Shqipërisë bëri të ditur se, në fund të qershor stoku i depozitave që bizneset, individët dhe institucionet e tjera kanë në banka arriti në një nivel të ri rekord prej 1.24 trilionë lekësh (10.3 miliardë euro), me një rritje prej 11 miliardë lekë, ose 1% më shumë në krahasim me muajin e mëparshëm. Në qershor, zgjerimi i depozitave u ndikua pothuajse në mënyrë të barabartë si nga leku, ashtu dhe nga valuta. Sipas BSH-së, kursimet në lekë u rritën me 1.05% me bazë mujore, të ndikuara më shumë nga individët dhe më pak nga korporatat e tjera financiare.https://ata.gov.al/2022/07/28/depozitat-i-rikthehen-rritjes-ne-qershor-me-10-3-miliarde-euro/