Bateristi i ”Pearl Jam”, Matt Cameron, tha se po largohej nga grupi pas gati 30 vitesh.
62-vjeçari Cameron njoftoi largimin e tij në një postim në rrjetet sociale.
“Pas 27 vitesh fantastike, kam bërë hapat e fundit poshtë kabinës së bateristëve për ‘Pearl Jam”, tha Cameron.
“Shumë dashuri dhe respekt për Jeff, Ed, Mike dhe Stone që më ftuan në grup në vitin 1998 dhe që më dhanë mundësinë e jetës, të mbushur me miqësi, art, sfida dhe të qeshura”, shtoi ai.
Cameron nuk dha një arsye për largimin e tij.
“Matt Cameron ka qenë një muzikant dhe baterist i veçantë dhe i vërtetë. Ai ka nxitur 27 vitet e fundit të shfaqjeve live të ‘Pearl Jam’ dhe regjistrimeve në studio. Ishte një kapitull thellësisht i rëndësishëm për grupin tonë dhe i urojmë atij gjithmonë të mira”, thanë anëtarët e ”Pearl Jam” në një deklaratë të postuar në llogaritë e grupit në rrjetet sociale.
Ata nuk përmendën një zëvendësues.
Cameron, i cili luajti bateri për ”Soundgarden” për më shumë se një dekadë përpara se t’i bashkohej ”Pearl Jam”, nuk ishte një anëtar themelues i grupit dhe nuk luajti bateri për albumet e hershme që i bënë ata yje të rokut.
Cameron u lind dhe u rrit në San Diego përpara se të transferohej në Seattle.
Ai luajti edhe me grupin ”Skin Yard” përpara se t’i bashkohej ”Soundgarden”.
