Grumbullimi i shpejtë i uraniumit të pasuruar shumë nga Irani është “shumë shqetësues”, deklaroi kreu i Agjencisë Ndërkombëtare të Energjisë Atomike (IAEA), Rafael Grossi.
“Derisa Irani të ndihmojë agjencinë në zgjidhjen e çështjeve të pazgjidhura të sigurisë, agjencia nuk do të jetë në gjendje të sigurojë që programi bërthamor i Iranit të jetë ekskluzivisht paqësor”, tha Grossi para Bordit të Guvernatorëve të IAEA-së.
Duke folur në një konferencë për shtyp, Grossi tha se Irani ishte e vetmja fuqi jo-bërthamore që prodhonte materiale të tilla.
“Unë i bëj thirrje urgjente Iranit të bashkëpunojë plotësisht dhe në mënyrë efektive me Agjencinë Ndërkombëtare të Energjisë Atomike”, theksoi ai.
Grossi tha se IAEA nuk mund ta injorojë grumbullimin e më shumë se 400 kilogramëve të materialit të pasuruar shumë, duke pasur parasysh implikimet e mundshme për përhapjen bërthamore.
Shtetet e Bashkuara, Gjermania, Franca dhe Mbretëria e Bashkuar planifikojnë ta theksojnë këtë apel në një rezolutë drejtuar Këshillit të IAEA-së, duke thënë se Irani po shkel detyrimet e tij ligjore ndaj mbikëqyrësit bërthamor të OKB-së
