Shtyhet dorëzimi i bilanceve tregtare të vitit 2021

Ministria e Financave dhe Ekonomisë njoftoi sot, duke u nisur nga situata e krijuar ditët e fundit për arsye të mosfunksionimit të portalit qeveritar e-Albania, Qendra Kombëtare e Biznesit do të zbatojë parashikimet e Kodit të Procedurave Administrative lidhur me afatin për depozitimin e pasqyrave financiare në regjistrin tregtar. “Bazuar në nenin 54 të Kodit të Procedurave Administrative, afati për depozitimin e pasqyrave financiare në regjistrin tregtar do të shtyhet për aq ditë sa nuk ka funksionuar portali qeveritar e-Albania,”, njofton MFE. “Subjektet që nuk kanë aplikuar akoma për depozitimin e pasqyrave financiare do të rivendosen për depozitimin e tyre brenda periudhës së shtyrjes së afatit fillestar”, përfundon njoftimi i Ministrisë së Financave. 31 korriku është afati i fundit të dorëzimit të bilanceve të vitit 2021.http://ata.gov.al/2022/07/25/shtyhet-dorezimi-i-bilanceve-tregtare-te-vitit-2021/