Afat i ri për regjistrimet në klasat e para dhe të dhjeta

Pas rikthimit të shumicës prej shërbimeve digjitale të platformës e-Albania është rikthyer edhe shërbimi i regjistrimit të nxënësve në klasën e parë dhe të dhjetë. Ministrja e Arsimit dhe Sportit Evis Kushi ka njoftuar nëpërmjet një statusi në rrjetet sociale rinisjen e shërbimit, si dhe afatin e rishikuar për regjistrimet. “Ju njoftoj se sot kanë rifilluar regjistrimet e nxënësve në sistemin e-Albania për klasat e para dhe të dhjeta të vitit të ri shkollor 2022 – 2023. Afati i ri për këto shërbime do të jetë data 31 korrik 2022”, u shpreh Kushi duke falënderuar të gjithë të interesuarit për mirëkuptimin.https://ata.gov.al/2022/07/20/kushi-njofton-afatin-e-ri-per-regjistrimet-ne-klasat-e-para-dhe-te-dhjeta/