Presidenti Trump ka në detyrë për pak më shumë se dy muaj dhe tashmë po luan me idenë e një “mandati të tretë në Shtëpinë e Bardhë”, shkruan adnkronos.it.
Tema është ngritur sërish në intervistën për NBC News dhe këtë herë Trump sqaron se “nuk ka bërë shaka” .
“Shumë njerëz më pyesin për këtë, por është herët për të menduar”, thekson ai.
Kushtetuta e Shteteve të Bashkuara ndalon shprehimisht një mandat të tretë presidencial, i cili përjashtohet nga Amendamenti i 22-të.
Për Trump, megjithatë, “ka mënyra” për të arritur atje. Vullneti popullor paraqitet si një levë e mundshme, “shumë njerëz duan që unë ta bëj këtë, dh në thelb u them atyre se kemi ende një rrugë të gjatë për të bërë, është shumë herët, tani po fokusohem tek e tashmja”.
