SHBA-Rusi bien dakord të bashkepunojnë

Rusia dhe SHBA-ja kanë arritur një marrëveshje për të bashkëpunuar në fluturimet e Stacionit Ndërkombëtar Hapësinor, pavarësisht luftës në Ukrainë, sipas agjencisë ruse të hapësirës “Roscosmos”. “Të dy palët ranë dakord për një marrëveshje që arrin të lejojë shkëmbimin e vendeve të anijes kozmike në hapësirë”, tha “Roscosmos” në një deklaratë. “Marrëveshja është në përputhje me interesat e Rusisë dhe SHBA-së”, tha agjencia. Kjo do të sigurojë që në rast të lëshimeve të vonuara ose të anuluara të raketave, të paktën një anëtar i “Roscosmos” dhe një anëtar i agjencisë amerikane të hapësirës “NASA” do të jenë gjithmonë në ISS”, sipas deklaratës. “Astronautët e parë që do të priten në të ashtuquajturat “fluturime të kryqëzuara” do të jenë astronauti amerikan, Francisco Rubion, i cili do të niset nga Baikonur në shtator, dhe astronautja ruse, Anna Kikina, e cila do të niset nga Kepi Canaveral në muajt e fundit të vitit”, sipas “Roscosmos”. Astronautët amerikanë kanë fluturuar në hapësirë me raketa ruse “Soyuz” nga Kozmodromi Baikonur në Kazakistan deri në vitin 2020. Pas kësaj, fluturimet e drejtuara nga ISS gjithashtu u ngritën përsëri nga toka amerikane. NASA mbështetet në transportuesin hapësinor “Crew Dragon” i kompanisë private “SpaceX”. Kozmonautët rusë, nga ana tjetër, kohët e fundit kanë përdorur vetëm raketat e tyre për të arritur postin njerëzor në një lartësi prej rreth 400 kilometrash. Në funksion të luftës së Rusisë kundër Ukrainës, ka patur disa spekulime sesi do të vazhdonte bashkëpunimi ruso-amerikan në hapësirë. Kreu i mëparshëm i “Roscosmos”, Dmitri Rogozin është parë si besnik i Kremlinit. Rogozin, 58-vjeç u zëvendësua sot nga ish-zëvendës guvernatori Yuri Borisov. Nuk dihet ende se cila do të jetë e ardhmja profesionale e Dmitri Rogozin. Sipas raporteve të medias, ai ose mund të marrë një post udhëheqës në administratën presidenciale ose pritet të administrojë një nga rajonet separatiste në Ukrainën lindore të njohura nga Moska si të pavarura./https://ata.gov.al/2022/07/15/shba-rusi-bien-dakord-te-bashkepunojne-ne-fluturimet-e-stacionit-nderkombetar-hapesinor/