Bashkia e Kukësit u ka bërë thirrje banorëve dhe kompanive të ndërtimit të depozitojnë inertet në venddepozitimet e tyre dhe të mos i hedhin pranë koshave të mbeturinave. “Aksioni i pastrimit të territorit nga mbetjet urbane e inerte vijon, por ende ka banorë që nuk po tregohen bashkëpunues. Fotot tregojnë, se menjëherë pas pastrimit nga ekipet e Shërbimeve, ata kanë hedhur qindra metër kub inerte pranë koshave të mbeturinave”, apeloi bashkia. Sipas bashkisë, grupi i punës, i ngritur nga përfaqësues të disa strukturave shtetërore kanë identifikuar çdo person që ka hedhur mbetjet e ngurta dhe nuk i ka depozituar në vendin e caktuar. Bashkia ka u ka bën thirrje që ky fenomen mos të përsëritet pasi do ndërmerren masa administrative për shkelësit.
- Advertisment -