Paleontologët në Peru kanë zbuluar fosilin e një krokodili që daton 10 deri në 12 milionë vjet më parë, i cili u zbulua në një shkretëtirë peruane.
Fosili i krokodilit, rreth tre metra i gjatë, u zbulua në gjendje të përsosur në shkretëtirën Ocucaje të Perusë, rreth 350 kilometra në jug të kryeqytetit Lima.
“Kjo është hera e parë që ne gjetëm një të mitur të kësaj specie, që do të thotë, nuk kishte arritur ende madhësinë e saj maksimale,” tha në një konferencë shtypi paleontologu Mario Gamarra.
Kafka dhe nofullat e këtyre ekzemplarëve ndryshonin nga ato të krokodilëve dhe aligatorëve të sotëm, sipas Gamarra, i cili drejtoi rindërtimin e fosilit.
“Ata kishin një feçkë të zgjatur dhe dieta e tyre ishte tërësisht me peshq”, tha Gamarra.
Shkretëtira Ocucaje e Perusë është e pasur me fosile, të tilla si balenat xhuxhë, delfinët, peshkaqenë dhe specie të tjera nga periudha e Miocenit – midis 5 dhe 23 milion vjet më parë – që janë zbuluar më parë atje.
