Kina ka ndaluar eksportin e një numri të lëndëve të para dhe mallrave për qëllime civile dhe ushtarake në Shtetet e Bashkuara, sipas një deklarate zyrtare.
Galiumi, germaniumi dhe antimoni gjysmëmetal janë vendosur nën masën me efekt të menjëhershëm, sipas Ministrisë kineze të Tregtisë.
Lëndët e para janë të rëndësishme për industrinë e mbrojtjes dhe prodhuesit e çipave.
Si vendi kryesor i origjinës së metaleve, Kina kishte kufizuar tashmë eksportet e tyre.
Kontrollet mbi eksportet e grafitit gjithashtu do të forcohen më tej.
Ndalimi kinez vjen disa orë pasi Shtetet e Bashkuara filluan kufizimet për eksportin e disa çipave dhe pajisjeve gjysmëpërçuese në Kinë duke përmendur për këtë çështje sigurinë kombëtare.
Masat e reja të SHBA-së ndalojnë eksportin e teknologjive të tjera kyçe, të tilla si memoria me performancë të lartë dhe çipat të prodhuara nga kompanitë amerikane ose duke përdorur teknologji amerikane.
