Jens Stoltenberg, sekretari i përgjithshëm në largim i aleancës ushtarake të NATO-s, është emëruar zyrtarisht si kreu i ri i Konferencës së Sigurisë së Mynihut, një nga forumet më të rëndësishme ndërkombëtare për politikën e sigurisë.
Ai pritet të marrë detyrën nga drejtori aktual Christoph Heusgen pas konferencës së radhës në shkurt.
Emërimi u raportua gjerësisht disa javë më parë dhe tashmë është konfirmuar zyrtarisht.
“Unë ia kam kushtuar gjithë jetën time politike paqeruajtjes. Është një nder i madh për mua që të shërbej si president i Konferencës së Sigurisë së Mynihut dhe të jap një kontribut në misionin e saj paqe përmes dialogut’”, theksoi Stoltenberg në një deklaratë.
Ai do të largohet nga posti i tij si shefi i NATO-s në tetor pas 10 vitesh në këtë rol, gjatë të cilit ishte i ftuar i rregullt në konferencë.
Konferenca e Sigurisë së Mynihut u themelua në vitin 1963.
Çdo shkurt, krerët e shteteve dhe kryeministrat, ministra, ekspertë ushtarakë dhe përfaqësues të industrisë së armëve mblidhen në kryeqytetin bavarez në Gjermaninë jugore për të diskutuar çështjet e politikës së sigurisë
