Një grup vendesh, përfshirë Shtetet e Bashkuara të Amerikës dhe Francën, kanë bërë thirrje për një “armëpushim të menjëhershëm” në kufirin midis Izraelit dhe Libanit në një deklaratë të përbashkët të lëshuar nga Shtëpia e Bardhë.
“Ne bëjmë thirrje për një armëpushim të menjëhershëm 21-ditor përtej kufirit Liban-Izrael për të ofruar hapësirë për diplomacinë drejt përfundimit të një zgjidhjeje diplomatike”, thuhet në deklaratën e nënshkruar edhe nga Australia, Kanadaja, Gjermania, Italia, Japonia, Arabia Saudite, Shtetet e Bashkuara të Amerikës, Emiratet Arabe, Katari dhe Bashkimi Evropian.
“Ne u bëjmë thirrje të gjitha palëve, përfshirë qeveritë e Izraelit dhe Libanit, të miratojnë armëpushimin e përkohshëm menjëherë … dhe t’i japin një shans real një zgjidhjeje diplomatike”, thuhet në deklaratë.
Deklarata e quajti situatën midis Libanit dhe Izraelit “të patolerueshme”, duke thënë se ajo paraqiste një rrezik të papranueshëm të një përshkallëzimi më të gjerë rajonal.
Në një deklaratë të veçantë, presidenti amerikan Joe Biden dhe homologu i tij francez, Emmanuel Macron, kërkuan një zgjidhje në kufi – që garanton për të mundësuar kthimin e civilëve në shtëpitë e tyre.
Të dy udhëheqësit thanë se ata kishin punuar së bashku gjatë ditëve të fundit në një thirrje të përbashkët për një armëpushim të përkohshëm – për t’i dhënë diplomacisë një shans për të pasur sukses dhe për të shmangur përshkallëzimin e mëtejshëm përtej kufirit.
“Deklarata që ne kemi negociuar është miratuar tani nga SHBA-ja, Australia, Kanadaja, Bashkimi Evropian, Franca, Gjermania, Italia, Japonia, Arabia Saudite, Emiratet e Bashkuara Arabe dhe Katari. Ne bëjmë thirrje për një mbështetje të gjerë dhe për mbështetjen e menjëhershme të qeveritë e Izraelit dhe të Libanit”, sipas deklaratës
