Presidentja e Kosovës Vjosa Osmani tha sot se hapja e urës së Ibrit si akt normalizimi e integrimi është në interes të të gjithë qytetarëve, pa dallim etnie.
Sipas saj suksesi afatgjatë e i qëndrueshëm arrihet gjithnjë bashkë me aleatët.
Këtë qëndrim Osmani e ka bërë të ditur në rrjetin social Facebbok, duke i bashkëngjitur një foto të takimit që kishte me komandantin e KFOR-it, Ozkan Ulutas.
Presidentja e Kosovës, Vjosa Osmani ka deklaruar se është kundër diskutimit për Urën e Ibrit në Bruksel.
Ajo tha se i qëndron deklaratave të mëhershme se duhet të bëhet hapja e Urës së Ibrit, porse kjo duhet të bëhet në koordinim me SHBA-në dhe NATO-n.
Osmani theksoi se kjo urë nuk është dashur të mbyllej kurrë, por duhet siguruar që kur të hapet të mbetet ashtu.
