Në portin e Vlorës, me dy tragetet e linjës Brindisi-Vlorë, kanë mbërritur ditën e sotme rreth 1200 pasagjerë dhe 300 automjete. Autoritetet bënë të ditur se në port po punojnë me kapacitete të shtuara me qëllim shmangien e vonesave. Për policinë kufitare dhe kontrollin e dokumentacionit janë vënë në dispozicion 12 sportele, 8 për kontrollin e pasagjerëve dhe 4 për ata që janë me automjete. Në ditët në vijim pritet që në portin e Vlorës të ketë fluks të shtuar të pushuesve si vendas dhe të huaj që do kalojnë pushimet në Shqipëri.
